«Слова тыдня — “Кашуля”: далучаемся да роднай мовы!»

19 ноября 2026
«Слова тыдня — “Кашуля”: далучаемся да роднай мовы!»

У нашым дзіцячым садзе працягваецца рэалізацыя адукацыйнага праекта «Родная мова, цудоўная мова!». На гэтым тыдні ўвагу выхаванцаў прыцягнула прыгожае і цікавае беларускае слова — «КАШУЛЯ».

Разам з педагогамі дзеці знаёміліся са значэннем слова, разглядалі выявы і ўзоры беларускіх кашуль, даведваліся пра асаблівасці нацыянальнага адзення, яго прыгажосць і значэнне ў жыцці нашых продкаў.

Выхаванцы вучыліся правільна вымаўляць слова «кашуля», складалі з ім словазлучэнні і сказы, адгадвалі загадкі, гулялі ў моўныя гульні, узбагачалі свой слоўнікавы запас новымі беларускімі словамі.

Асаблівую цікавасць выклікала знаёмства з беларускім арнаментам, якім упрыгожвалі кашулі. Дзеці даведаліся, што ўзоры на нацыянальным адзенні не толькі надавалі яму прыгажосць, але і захоўвалі народныя традыцыі.

Вывучаючы словы тыдня, нашы маленькія выхаванцы робяць яшчэ адзін крок насустрач роднай мове, вучацца шанаваць нацыянальную культуру і ганарыцца спадчынай беларускага народа.

Родная мова жыве ў кожным слове, а любоў да яе пачынаецца з дзяцінства!